Гэр бүлийн хүчирхийллийн тухай, түүнээс урьдчилан сэргийлэх сэдвээр сумын хэсгийн цагдаа дэд ахлагч Б:Баасандорж мэдээлэл сургалт хийлээ. Сургалтанд ЗДТГ-ын төрийн албан хаагчид хамрагдав.

Монгол Улсын Шадар сайд Төв аймгийн Засаг даргатай байгуулсан үр дүнгийн гэрээний дагуу Онцгой байдлын ерөнхий газраас тус аймагт энэ сарын 7-9-ний өдрүүдэд зохион байгуулж байгаа Гамшгаас хамгаалах команд штабын сургууль удирдах бүрэлдэхүүний танхимын сургалтаар эхэллээ.

Байдлаг багийн иргэдийн Нийтийн Хурал хуралдлаа. Хуралдаанаар багийн ИНХ-ын даргаар Э.Энхтөгсийг сонгож, багийн Засаг даргаар томилуулахаар Б.Байгалмаагийн нэрийг дэвшүүллээ. Хуралдааны үеэр Засаг дарга Д.Энхсүх мэдээлэл хийж, орон нутгийн хөгжлийн сангийн хөрөнгөөр 2026 онд хийгдэх ажлын санал авах ажил зохион байгуулагдлаа. Мөн сумын эрүүл мэндийн төвөөс хуралд ирсэн иргэдийн биеийн жингийн индекс үзэж даралтыг нь хэмжиж чихрийн шинжин өвчний эрсдэл тооцон зөвөлгөө өгч эрүүл мэндийн боловсрол олгох гарын авлага тарааж ажиллалаа. Мөн ОНЭМА сүрьеэгийн асуумж бөглүүлж зөвөлгөө өгөв.

"Сараана" байгаль хамгаалах сан ТББ-ийн Гүн Галуут байгаль хамгаалах төвийн өргөтгөлийн нээлт болон танилцуулга уулзалтанд сумын иргэдийн Төлөөлөгчдийн Хурлын дарга Д.Цэрэнлхам, ИТХ-ын төлөөлөгч Засаг дарга Д.Энхсүх, төлөөлөгч С.Идэрчулуун, Г.Мөнхтуяа нар болон мэргэжилтнүүд оролцлоо. Уг төв нь монгол дахь эргийн шувууг бөгжлөх, шувуудын судалгаа хамгаалал дээр тулгуурлан, орон нутгийн биологийн олон янз байдал, ус намгархаг газрыг хамгаалах,байгаль орчны боловсрол олгох, байгалийн нөөцийн зохистой ашиглалт, хамгаалалт, тусгай сонирхлын аялал жуулчлалыг хөгжүүлэх зорилготой үйл ажиллагаа явуулах юм.

ЧУЛУУТ ИНТЕРНЭШНЛ ХХК - НИЙ ҮЙЛ АЖИЛЛАГААТАЙ ТАНИЛЦЛАА. ИХТ-ын дарга Д.Цэрэнлхам тэргүүтэй ИТХ-ын төлөөлөгчид, ЗДТГ-ын мэргэжилтнүүдийн ажлын хэсэг Чулуут интернэшнл ХХК-ын үйл ажиллагаатай танилцлаа. Чулуут интернэшнл ХХК нь 2003 оноос хойш Баяндэлгэр суманд үйл ажиллагаа явуулж байгаа бөгөөд тус компани нь сум орон нутагтаа төдийгүй улсын хэмжээний томоохон татвар төлөгч аж ахуйн нэгж юм. Баяжуулах үйлдвэрийн бүтээн байгуулалт болон тоног төхөөрөмжөө суурилуулах үйл явцтай танилцлаа. Шинээр гүний уурхай ажиллуулахаар бэлтгэл ажил хийгдэж байгаа бөгөөд Хятад улсын нарийн мэргэжилтнүүд ирж ажиллаж байна. Тухайн хятад ажилтнууд Гадаадын иргэн харьяатын газар болон Баяндэлгэр сумын ЗДТГ-д бүртгэлтэй хууль журмын дагуу үйл ажиллагаа явуулж байна.

БАЯНДЭЛГЭР СУМ “ТӨВИЙН ЦАХИМ ҮЙЛЧИЛГЭЭНИЙ ХУРДАН КИОСК МАШИН”-ТАЙ БОЛЛОО. Цахим хөгжил, инноваци, харилцаа холбооны яам, Төв аймаг дахь төрийн цахим үйлчилгээний хэлтсээс “Цахим Төв аймаг” хөтөлбөрийг хэрэгжүүлэх болон сумдад үйл ажиллагаа явуулж буй “Хурдан төв”-ийн үйл ажиллагаанд дэмжлэг үзүүлж, төрийн байгууллагуудын үйлчилгээг хялбаршуулан, цахим хэлбэрт шилжүүлсэн “Киоск машин”-ыг хүлээлгэн өглөө. Энэхүү “Киоск машин”-аас төрийн байгууллагын 35 нэр төрлийн 103 үйлчилгээ, хувийн хэвшлийн 60 гаруй байгууллагын 600 орчим үйлчилгээг цахим хэлбэрээр, түргэн шуурхай авах боломжийг бүрдүүлсэн юм. Төрийн үйлчилгээ ТАНД улам ойртсоор Төв аймаг дахь Төрийн цахим үйлчилгээний хэлтэс.

Сумын ИТХ-ын 4 дүээр хуралдаан 2025 оны 4 дүгээр сарын 4-ний өдөр хуралдаж үндсэн 3 асуудал хэлэлцэн шийдвэрлэлээ. Үүнд: 1. Орон нутгийн өмчид бүртгэлтэй орон сууцны төлбөрийн тухай. 2. Хоршоо хөгжүүлэх сангийн төсөл сонгон шалгаруулах тов зарлах тухай. 3. Сумын 2025 оны газар зохион байгуулалтын төлөвлөгөө батлах тухай.

Сумын ИТХ-ын дарга Д.Цэрэнлхам Здугаао сарын 30-ны өдөр Батсүмбэр суман дахь Ахмад настны үндэсний төвд амьдарч байгаа нутгийн ахмад буурал Чогсом гуайг эргэж, тэр төвийн үйл ажиллагаатай танилцаж, өдрийн хоолыг нь амталж, өрөө тасалгаа , хоолны заал, ажилтны өрөөтэй танилцаж 2 цаг орчим саатлаа. Чогсом гуай маань бие нь сайн ухаан нь саруул Нутгаа , танилуудаа жоохон санаж байгааг эс тооцвол тун дажгүй сайн сууж байна. Нийгмийн ажилтан даваасүрэн гэгч эвлэгхээн бүсгүйтэй уулзаж ажил байдалтай нь танилцаж санал сэтгэгдлээ хуваалцаж нутгийн ахмадыг минь бас тэр олон 200 гаруй ахмадуудыг асран хамгаалж байгаад нь талархалаа

Сумын иргэдийн Төлөөлөгчдийн Хурлын 3 дугаар хуралдаан 2025 оны 2 дугаар сарын 20-нд хуралдаж 1. Сумын Засаг даргын 2024-2028 оны үйл ажиллагааны хөтөлбөрийг батлах тухай. Сумын Засаг дарга Д.Энхсүхийн мэдээлэл 2. . Сумын 2025 оны хөгжлийн жилийн төлөвлөгөө батлах тухай. 3. Сумын хамтарсан багийг шинэчлэн байгуулах тухай. 4. Сумын иргэдийн Төлөөлөгчдийн Хурлын ёс зүйн дүрэм батлах тухай 5. Сумын иргэдийн Төлөөлөгчдийн Хурлын ёс зүйн хороо байгуулах тухай. 6. Орон нутгийн хөгжлийн сангийн үйл ажиллагаанд хяналт тавих хяналтын зөвлөл байгуулах тухай. 7. Иргэдийн Төлөөлөгчдийн Хурлын бодлого батлах тухай. ИТХ-ын дарга 8. Газар эзэмших хүсэлтийн тухай 3. ЗДТГ-т бүртгэлтэй орон нутгийн өмчийг актлах тухай. 4. Сумын тариалалтын төлөвлөгөө батлуулах тухай. зэрэг асуудлуудыг хэлэлцэн шийдвэрлэлээ.

Малын болон орон байрны хулгайн гэмт хэрэгтэй тэмцэх, урьдчилан сэргийлэх ажилд иргэн бүрийн үүрэг оролцоог нэмэгдүүлэх, энэ төрлийн гэмт хэргийн гаралтыг бууруулах, мал хулгайлах гэмт хэргээс урьдчилан сэргийлэх ажлыг эрчимжүүлэх, эргүүл жижүүр ажиллуулах, байгаль орчны эсрэг гэмт хэргээс урьдчилан сэргийлэх нөлөөллийн арга хэмжээг ИТХ-ын даргын батласан удирдамжийн дагуу ГХУСАЗЗ-ийн бүрэлдхүүнтэйгээр 2025 оны 1 дүгээр сарын 27-ноос 2 дугаар сарын 10-ныг дуустал зохион байгуулав

Монгол улсын шинэ үндсэн хууль батлагдсан өдөрт зориулан ЗДТГ, ГХУСАЗЗ хамтран нийт төрийн албан хаагчдын дунд тэмцээн зохион байгуулав.

Сумын иргэдийн Төлөөлөгчдийн Хурлын ээлжит бус 19 дүгээр хуралдаан хуралдаж 1. Сумын Засаг даргын үйл ажиллагааны хөтөлбөрийн хэрэгжилтийн 2023 оны тайлан 2. Сумын 2023 оны хөгжлийн төлөвлөгөөний хэрэгжилтийн тайлан. 3. Малын тоо толгойн албан татварын орлогын төлөвлөгөөний хэрэгжилт. 4. Сумын 100 жилийн ойн арга хэмжээний хүрээнд авсан баг байгуулалгуудын хандив, зарцуулалтын тайлан 5. Иргэн Г.Баярмагнайн гомдол хүсэлтийн тухай зэрэг асуудлуудыг хэлэлцэн дүгнэлт гаргалаа.

Төв аймаг дахь төрийн аудитын газраас 2023 оны санхүүгийн үйл ажиллагаанд завсрын аудит хийлээ.

Сумын иргэдийн Төлөөлөгчдийн Хурлын 18-р хуралдаан 10 дугаар сарын 20-ны өдөр хуралдаж дараах асуудлуудыг хэлэлцлээ. Үүнд: 1. Хоршоог хөгжүүлэх сангийн төсөл сонгон шалгаруулах хороо болон хяналтын зөвлөлийг шинэчлэн байгуулав. 2. Хөдөө аж ахуйн болон төв суурин газрын өвөлжилтийн бэлтгэл ажлын мэдээллийг хэлэлцэж хангалттай явагдаж байна гэж үнэллээ. 3. Сумын 100 жилийн ойн хандив, түүний зарцуулалтын тайланг хэлэлцээд дүгэлт гаргаж дараагийн хуралдаанаар хэлэлцүүлэхийг хурлын эдийн засаг, төсөв санхүү өмчийн бодлогы хороо /дарга Т.Тунгалаг/, нутгийн удирдлага хууль хяналтын хороо /дарга Б.Байгалмаа/-нд даалгалаа.

Төв аймгийн санхүүгийн хяналт, дотоод аудитын албанаас сумын төсөвт байгууллагуудын 2021, 2022 оны санхүүгийн үйл ажиллагаанд шалгалт хийлээ. Хяналт шалгалтын дүгнэлтээр иргэдийн Төлөөлөгчдийн Хурал санхүүгийн хувьд бага эрсдэлтэй үнэлэгдэв. ИТХ-ын тогтоол шийдвэрийн хэрэгжилтэнд хурлын хороод хяналт тавьж ажиллах, ялангуяа төсөв санхүү, өмчийн бодлогын хорооны хяналтыг сайжруулах чиглэл өглөө.

Сумын иргэдийн Төлөөлөгчдийн Хурлын дарга Ц.Энхтүвшин Зуунмод хотод 10 дугаар сарын 13-15-ны өдрүүдэд зохион байгуулагдсан "Нээлттэй Төв аймаг" форум, "Нэг сум нэг бүтээгдхүүн" үзэсгэлэн худалдааны үйл ажиллагаанд оролцлоо.

Төв аймгийн иргэдийн Төлөөлөгчдийн Хурлын хороо, ажлын алба, ГХУСАЗЗ-ийн гишүүд манай суманд ажиллаж сумын хурлын ажлын албаны ажил байдалтай танилцаж зөвлөн туслах ажил хийв. Хурлын ажлын албаны үйл ажиллагааг 86,6% буюу В үнэлгээтэй дүгнэж цаашид анхаарах асуудлаар тодорхой зөвлөмж чиглэл өглөө.

Сумын иргэдийн Төлөөлөгчдийн Хурлын дарга, төлөөлөгчид хөдөө багт ажиллаж мал аж ахуйн өвөлжилтийн бэлтгэл ажилтай танилцав.

Төв аймгийн хөгжлийн 2024 оны төлөвлөгөөний төсөлд иргэдээс санал авах хэлэлцүүлгийн линкийг "Баяндэлгэр сум Төв аймаг", "Баяндэлгэр ИТХ" "Баяндэлгэр сумын төрийн албан хаагчид" зэрэг орон нутгийн 6 группэд нийтэлж санал авах ажил зохион байгууллаа.